ពិធីបើកវគ្គបំប៉ននយោបាយវគ្គទី ២ ដល់ក្រុមយុវជនគណបក្សប្រជាជនកម្ពុជានៅខេត្តស្ទឹងត្រែង

Long Vicheth | កញ្ញា ២៧, ២០១៥ ៦:០២ ល្ងាច


នៅស្នាក់ការគណបក្សប្រជាជនកម្ពុជាខេត្តស្ទឹងត្រែងថ្ងៃទី ២៦ ខែ កញ្ញា ឆ្នាំ ២០១៥ គណៈកម្មាធិកា​​​ក​​ណ្ដាល គណបក្សប្រជាជនកម្ពុជាបានបើកវគ្គអប់រំនយោបាយ ដល់ក្រុមការងារ យុវជនគណបក្ស ប្រជាជន​កម្ពុជាខេត្តស្ទឹងត្រែង ដែលមានសមាជិកចូលរួមជាង ២០០ នាក់ ។

វគ្គអប់រំនេះបានដំណើរការទៅក្រោមអធិបតីភាពឯកឧត្តម ឡូយ សុផាត សមាជិកគណៈកម្មាធិការ កណ្ដាល និង ជាប្រធានក្រុមការងារថ្នាក់កណ្ដាលចុះជួយខេត្តស្ទឹងត្រែង ឯកឧត្តម ម៉ុម សារឿន អនុប្រធានគណៈកម្មាធិការគណបក្សប្រជាជនខេត្ត និងជាប្រធានក្រុមការងារយុវជនគណបក្សខេត្តស្ទឹងត្រែង ។

ឯកឧត្តម ម៉ុម សារឿនប្រធានក្រុមការងារយុវជនគណបក្សខេត្ត មានប្រសាសន៏ថា ៖ ដើម្បីពង្រឹង កិច្ចការងារនេះនៅចំពោះមុខ គណៈកម្មាធិការបក្សខេត្ត និងរៀបចំវគ្គបំប៉ននយោបាយនេះឡើង ដោយ  ចែកចេញជា ៩ វគ្គ ចាប់ពីខែកញ្ញា រហូតដល់ខែធ្នូ ឆ្នាំ២០១៥ ក្នុងនោះសម្រាប់ថ្នាក់ខេត្តមានចំនួន ៥វគ្គ និងនៅថ្នាក់ស្រុក ៤វគ្គ ដែលមានចំនួនយុវជនចូលរួមប្រមាណជិត ១៨០០នាក់ ។

ឯកឧត្តម ឡូយ សុផាត ប្រធានក្រុមការងារថ្នាក់កណ្ដាលចុះជួយខេត្ត មានប្រសាសន៍ថា ៖ យុវជនជាសរសរ​ទ្រូងនៃការបន្ដវេនក្នុងការដឹកនាំ និងអភិវឌ្ឍន៍ប្រទេសជាតិ ដូចនេះក្រុមយុវជនយើង ទាំងអស់ ត្រូវមានចំណេះដឹង ចំណេះ ធ្វើគ្រប់បែបយ៉ាងសំរាប់ពង្រឹងកិច្ចការងារក្នុងសង្គម និងជួយទ្រទ្រង់ប្រទេសជាតិ ធ្វើឲ្យ មានការវិវត្តន៍រីកចំរើនជឿនលឿន។

ឯកឧត្តមប្រធានក្រុមការងារ មានប្រសាសន៍ថា ៖ មួយរយៈនេះមានជនអគតិមួយចំនួនតែងតែ ព្យាយាមបំភ្លៃការពិតនូវស្នាដៃជាច្រើន ដែលបានកសាងឡើងដោយគណបក្សប្រជាជនកម្ពុជា ក្រោយពីបាន រំដោះចេញពីរបបប្រល័យពូជសាសន៍​ ប៉ុល ពត ៧ មករា ឆ្នាំ ១៩៧៩ ដោយមិនឲ្យមានការវិលត្រឡប់ មកវិញនូវ របបផ្ដាច់ការ ដែលបាន ចំផ្លិចបំផ្លាញជាតិ កាប់សម្លាប់ជាតិសាសន៍ឯង ដូចធ្លាប់មាន កន្លងមកនោះឡើយ ហើយប្រការនេះជាការប្រព្រឹត្តខុស ធ្វើឲ្យប៉ះពាល់ដល់សិទ្ធ និងផលប្រយោជន៍របស់ប្រជាពលរដ្ឋ ។

ឯកឧត្តម ឡូយ សុផាត ប្រធានក្រុមការងារ មានប្រសាសន៍ទៀតថា ៖ ឆ្លើយតបទៅលើករណីដ៏ ខ្មៅកខ្វក់នេះ ក្រុមយុវជនគណបក្សប្រជាជនយើងទាំងអស់ត្រូវធ្វើការស្វែងយល់ និងប្រឆាំងដាច់ខាត  និងនាំគ្នាគាំទ្រគណបក្សប្រជាជនកម្ពុជាឲ្យបាន ១០០ ភាគរយ ។

ឯកឧត្តមប្រធានក្រុមការងារបញ្ជាក់ថា ៖ ក្រុមការងារយុវជនគណៈបក្សខេត្តបានចែកចេញជា៤៧ក្រុម និងមានសមាជិកសរុបចំនួន១៧៨៩នាក់ក្នុងនោះស្រី៥៦៧នាក់ ។

សូមបញ្ជាក់ថា ៖ នេះជាវគ្គទី២ ហើយដែលគណៈកម្មាធិការបក្សខេត្ត បានបើកវគ្គអប់រំនយោបាយ នេះដល់ក្រុមយុវជននៅក្នុងខេត្តស្ទឹងត្រែង ។

12064333_159417117736021_184472332_n12064319_159417347735998_1290892253_n12067091_159418457735887_1619962374_n12033471_159418527735880_174082193_n12038294_944457618945998_2814048126917390334_n12026681_159416734402726_403751109_n 12032604_159416791069387_316490222_n 12033448_159417591069307_75521138_n 12033472_159417091069357_1368414766_n 12033683_159417461069320_803978171_n 12042104_159417531069313_1255738875_n 12043210_944457562279337_1042119579674399045_n 12046575_944864598905300_8035665683612094009_n 12047686_159416751069391_250116047_n 12048424_159418414402558_88574381_n 12049027_159417097736023_2006813743_n






ទីស្នាក់ការគណបក្សប្រជាជនកម្ពុជាខេត្តស្ទឹងត្រែង

ភូមិព្រែក សង្កាត់ស្ទឹងត្រែង ក្រុងស្ទឹងត្រែង ខេត្តស្ទឹងត្រែង

សារអេឡិចត្រូនិច : cppstungtreng@gmail.com, គេហទំព័រ :www.stungtreng.org.kh Phone: 097 74 72 777, 010 74 74 74, 012934586